Comezamos a semana cunha actuación para a nosa sección de “Somos uns Artistas”.
Nesta ocasión, tres nenas de 3º interpretan fantasticamente unha das partituras deste último trimestre. Bravo por elas!!!
Clicade na imaxe para poder ver a estas artistas!!!
Voltamos das vacacións de Semana Santa coas pilas ben cargadiñas para afrontar a recta final do curso!!
E que mellor maneira de facelo que cunha fermosa canción de Magín Blanco que nos ensina a importancia da lingua de signos para moitas persoas.
O programa educativo da Orquestra Sinfónica de Galicia, Son Futuro, preséntanos as guías didácticas dos concertos aos que iremos neste curso.
Os nenos e nenas de Educación Infantil iremos a ver a obra ” El efecto Arcos Iris”, unha fascinante viaxe polas emocións a través da música.
Os cursos de 1º a 4º de Educación Primaria poderán disfrutar dunha adaptación do clásico “Pedro y el lobo” de Sergei Prokofiev interpretada polo Quinteto InVento, un conxunto de cámara formado por cinco xoves galegos cunha amplia experiencia musical.
A música é unha linguaxe simbólica e universal que fai posible a expresión das
emocións máis profundas. Os maiores do cole iremos a ver “Super Hércules”, un espectáculo configurado como unha paisaxe visual e sonora, fai referencia á inmensa diversidade lingüística do mundo, unha grande riqueza que debemos preservar.
Ola nenos e nenas!!
Tendes que disculpar este parón de actividade no blog. como ben sabedes estou de baixa por un tempiño, pero espero voltar con moita enerxía!!! Bótovos moito de menos!!
Xa sei que o pasastes moi ben celebrando o Día da Paz!!! E para que vexades que me entero de todo, aquí vai unha mostra dese bonito día!! Espero que vos guste!!
Chegan as vacacións de Nadal!!!
E para desexarvos felices festas temos unha actuación especial de dúas alumnas de 6º, Eunice e Yammila, que nos adican a panxoliña Noite de Paz coas súas frautas.
Disfrutade das festas e que o aninovo veña cargadiño de boas novas!!!
Bo Nadal!!!
O xigante de Silicon Valley, Google, quixo render homenaxe a Ludwig van Beethoven no 245 aniversario do seu nacemento cun simpático curto de animación. No doodle, anima aos internautas a reordenar as partituras que o soado músico compuxo. A Quinta Sinfonía, Para Elisa, Claro de Lúa e a Novena Sinfonía, coñecida tamén como o Himno da Alegría, son as grandes obras que Google reproduce nun vídeo interactivo.
O vídeo mostra a un torpe Beethoven que perde as partituras en repetidas ocasións ao pasear por unha ponte á luz da lúa e enfrontarse a uns rebeldes paxaros para, finalmente, dirixir a unha orquestra que toca o Himno da Alegría.
O compositor, pianista e director de orquestra alemán naceu en Bonn, Alemaña, un 16 de decembro de 1770. En xaneiro de leste mesmo ano, un equipo de científicos asegurou achar nunha das súas partituras a arritmia cardíaca que ao parecer sufría.
Por petición popular, aquí vos deixo un vídeo que explica de maneira moi sinxela os signos empregados na aula para as notas musicais.
Zoltan Kodály, músico húngaro de finais do século XIX, tratou de levar aos nenos o folklore musical e o canto coral como método de aprendizaxe. Creou unha simboloxía coas mans que asociou a cada unha das notas musicais, a fononimia de Kodály.
